Gropu gropu: V xornadas de autoedición

Durante os anos oitenta e noventa o mundo dos fanzines viviu unha auténtica explosión, este xeito de editar cheo de voluntarismo e liberdade sen unhas grandes necesidades orzamentarias foi perdendo o seu esplendor coa chegada do novo século para voltar, se cadra dun xeito diferente, nestes últimos anos. Autoras e autores moi diversos entre si empregan a autoedición para poder publicar as súas obras, individuais ou colectivas, sen precisar da figura dunha editora e sen ter que render conta a ninguén, e isto dá como resultado títulos arriscados onde a experimentación artística e formal teñen un peso importante. Como consecuencia desta nova idade de ouro dos fanzines agroman diversos eventos coa finalidade de recoller e expoñer toda esta creatividade independente, ao longo da xeografía galega e de todos ca coñecidos como o Autobán (A Coruña), o Au/Ou (Ourense) ou o No tengo mamá (Vigo), pero sobre todo o pioneiro foi o Grapo Grapo, as xornadas de autoedición deo Liceo Mutante en Pontevedra, qur agora, tres anos despois da sua derradeira edición volta con mais forza que nunca!

A estrutura do evento é ben sinxela: mercado de fanzines, tebeos, láminas, camisolas…; un par de concertos xeitosos; rifa final con toques de humor e pode que algunha actividade sorpresa. Pero xa vedes que non hai charlas, non hai mesas redondas, non hai xogos divertidos… É para estar pasando o rato, de tranks e de risas.

Participantes

Concertos

Tronco (Barcelona)

Venres 6 ás 21.00

Tronco é un dúo fraternal formado por Fermí e a debuxante Conxita Herrero. Facturan un pop acústico sen florituras, como de campamento ou de fogueira, cunhas melodías preciosas e unhas letras tan sinxelas como aplastantes. Ide aprendendo as súas cancións se non as sabedes xa e o venres cantamos todas xuntas.

Meus (GZ/Portugal)

Sábado 7 ás 21.00

Que queredes que vos contemos destes dous míticos? Alberto Cardona e Santi Z son dous grandes debuxantes, son moi queridos no Liceo e ademáis teñen un grupazo chamado Meus que sacou aí atrás un disco que é unha pasada, pura pasada, pura pasada ben pasada.